بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارے کہ سرمچارک خاران نا شار ئٹی ایف سی نا گاڑی ئے چغلی بمب جلہو ئٹی ٹک کریر ہراٹی اِرا ایف سی کارندہ بھاز ٹپی مسُر۔ او پارے کہ 22 ستمبر یک شمبے آ دے ئنا دوازدہ بجہ غا دا سرسوب آ جلہو کننگا۔
او پارے کہ دشمن نا پوسکن انگا ٹیکنالوجی، پوسکن انگا کیمراک و پوسکن انگا مشینری تا مننگ آن پد ہم حساس علاقہ غا تیٹی سرمچار تا کاروائیک اوفتا سرسوب آ جنگی حکمت عملی تا پاشو ثبوت ءُ، ہرا نہ بیرہ دشمن ئے خلیس نا گواچی کرینو بلکہ سخت ذہنی دباؤ نا سوب آن او لس الس ئے مونا کرسا تینے رکھینگ نا کوشست کیک۔
اونا پاننگ اس کہ بی ایل ایف نا سرسوب آ حکمت عملیک دشمن ئے دا کچ اسکان بد حواس کرینو کہ تینا بےسوبی و ملامتی ئے ڈکھکنگ کن او چاگڑدی حوالکاری میڈیا ٹی منَہ کرایہ نا بندغ آتا کمک ئٹ بلوچ تحریک نا برخلاف دروغ شنگ کرسا راستی ئے ڈھکنگ نا بےسوب کوشست ئٹی گھٹ ءِ۔
ترجمان پارے کہ نن دا جلہو ئٹی السی نسخان آ افسوس نا درشانی کینہ و الس آن خواست کینہ کہ دشمن لشکر و اونا ماڑی تیان مُر مریر ننا سرمچار تِہ ہراتم وار رسینگا او اوفتے ٹک کننگ کیرہ۔
او ایسر ئٹ پارے کہ بی ایل ایف خاران جلہو نا زمہ واری ئے ہرفک و آزاد بلوچستان اسکان جدوجہد ئے برجاء تخنگ نا عزم کیک۔
