بارکھان ئات سلاہ بند بندغ آک اِرا جتاؤ جلہو تیٹی پاکستانی لشکر و موبائل ٹاورئے ٹک کریر۔
حوال تا رد ئٹ سلاہ بند بندغ آک اینو شام ئنا نُہہ بجہ غا ضلع بارکھان نا ہند اوچھڑی ٹی رکنی آن ڈیرہ بگٹی آ ہنوکا کسر آ بکڑ نا جہہ آ ایف سی چوکی ئے راکٹ و ایلو بھلا سلاہ تیٹ جلہو ئٹی ٹک کریر و خُڑک ئٹ یوفون ٹاورئے ہم ٹک کرسا مشینری و سولر تِہ ہُشار۔
ہندی حوال تا رد ئٹ جلہو آن پد امن فورس نا کارندہ غاک چوکی نا پاسوئی ہنانو۔ جلہو آن پد چوکی آن لس آبادی آ سخت سُمکاری و مارٹر خلنگ برجاء ءِ۔
یات مرے کہ امن فورس نا سربراہ و وزیر اعلیٰ بلوچستان سرفراز بگٹی نا اُرا ہم بکڑ نا ٹک آٹے، ہندی بندغ آتا رد ئٹ داسا ہم امن فورس نا بھلنی ئے سرفراز بگٹی نا ایلم کننگ ءِ ہرافک لس بندغ آتا زوراکی کیرہ۔
