تربت پریس کلب ئٹی پریس کانفرنس کرسا بیگواہ غا اسکول ٹیچر رفیق اومان نا خاہوت خواست کرے کہ اودے آجو کننگِہ۔
او پاریر کہ دہ سال آن بیگواہ رفیق اومان نا آجو مفننگ نا برخلاف بندغی حق آتا تنظیم آک توار بُڑز کیر۔
خاہوت نا پاننگ اس کہ اینو رفیق اومان نا بیگواہی ئے دہ سال پورو مسنے دائسکان ہم اونا سلامتی نا حوال ننے تننگ افس۔
اوفتا ودیک پاننگ اسک کہ خدا کن رفیق اومان ئے آجو کرسا ننے دا مرغنا ڈکھ آن آجو کننگ مرے یا اودے عدالت ئٹی ہتنگ مرے۔
اوفتا پاننگ اسک کہ ننے دا ہم خبر اف کہ او زندہ ءِ یا اف، حکومت اودے زوت آجو کے و بندغی حق آتا تنظیم آک اونا آجوئی کن توار بُڑز کیر۔
اسکول ٹیچر رفیق اومان نا زوراکی ئٹ بیگواہی ئے دہ سال پورو مننگ آ اونا مسڑک تربت پریس کلب ئٹ پریس کانفرنس کریر۔ پریس کانفرنس نا وختا رفیق اومان نا چُنکا مسڑ بیہوش مس۔
یاتی مرے کہ رفیق اومان ئے 21 ستمبر 2014 آ تربت آن سرکاری کاریم آن واپس ہننگ آ بیگواہ کننگاسس۔
