پاکستانی لشکر نا مُخ تفی ٹی کاریم کروک سلاہ بند ٹولی ہرا “امن فورس” نا پن ئٹ چاننگک و ڈیرہ بگٹی ٹی متحرک ءِ، درو آن بارکھان ئٹ گشت کرسا مخلوق ئے زوراکی تا گواچی کننگ ءِ۔
حوال تا رد ئٹ دا سلاہ بند ٹولی چِھل ئنا کچ موٹر سائیکل و اِرا گاڑی تا قافلہ ئٹ سد ئنا کچ کارندہ آتون بارکھان ئٹی گشت کرسا بندغ آتے زوراکی نا گواچی کننگ ءِ۔
حوال تروکا تا رد ئٹ درو آن امن فورس نا کارندہ غاک موٹر سائیکل و گاڑی تیٹ سوار بارکھان نا ہند بگاؤ ٹی گشت کننگ ءُ و بندغ آتیا بیدادی و زوراکی کننگ ءُ۔
دا رد ئٹ نن تینا ہندی حوالکار تیان ودیک حوال ہلنگ نا کوشست کننگ اُن۔
یات مرے کہ بلوچستان ئٹی پاکستانی لشکر جتا پن تیٹ کاریم کروکا سی ٹی ڈی، ڈیتھ اسکواڈ، امن فورس یا پین مذہبی ٹولی تا کمک ئٹ لس مخلوق آ زوراکی و بیدادی کرسا اوفتے بیگواہ کیرہ یا بندغ آتے شہید کرسا دروغ ئنا مقابلہ تا پن تیرہ۔
