پنجگور ئٹ ذاکر دشتی و اونا الہ نا مار ئنا بیگواہی نا برخلاف برانز کرسا خاہوت سی پیک کسر ئے بند کرے۔
بیگواہ مروکا تا خاہوت سرادک نا ہند آ سی پیک کسر ئے ہر وڑ ئنا ہن ءَ بر کن بند کرے۔
تومکا پارہ غا تیان تربت، شال و پنجگور آن کراچی آ ہنوکا کسر تِہ بند کننگ آن ٹریفک زیمی مسنے۔
خاہوت بیگواہ مروکا تا آجوئی نا خواست کرے، برانز ئٹ بھلو کچ ئسیٹی چُنا نیاڑی تتون اوار ایلو بندغ آک ہم اوار ءُ۔
یاتی مرے کہ ذاکر دشتی و اونا الہ نا مار ئے ہنوکا ہفتہ بیگواہ کننگانے۔
اوفتا خاہوت مہالو پاریسس کہ اگہ اوفتے یلہ کننگتو تو نن برانز کرسا سی پیک کسر ئے بند کرون۔
