بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارینے کہ اِرا جتاؤ جلہو تیٹی سرمچار آک ڈسٹریکٹ موسی خیل ئٹی یوفون موبائل ٹاورئے بھُس و مستونگ ئٹی پولیس نا دفتر آ دستی بمب ئٹ جلہو کریر۔
او پارے کہ سرمچار آک 18 ستمبر نا شام ئنا شش بجہ غا ڈسٹریکٹ موسی خیل نا ہند تیراک میختر نا ہند آ پاکستانی ٹیلی کمیونکیشن یوفون موبائل ٹاورئے ہُشیسہ مشینری تے بھُس کریر۔
او ودیک پارے کہ سرمچار آک 19 ستمبر نا سُہب ئنا ہشت بجہ غا دے کیہلوک زون سیکٹر 3 قلات بیٹ کیمپ 12 کھڈ کوچہ مستونگ شار ئٹی ہیٹ تا منڈی نا خُڑک موٹر وے پولیس نا دفتر آ دستی بمب ئٹ جلہو کرسا جانی و مالی نسخان تسُر۔
ترجمان پارے کہ پاکستان آرمی، ایف سی و ریاستی ادارہ غاک بلوچ زمین آ قوضہ کرینو و قوضہ گیر دشمن ئے ہر جاگہ غا ٹک کننگ مننگ ءِ۔ نن وار وار لیویز و پولیس ئے تنبیہ کرین اُن کہ ہرا بندغ آک بلوچ نسل کشی و سرمچار آتا پٹنگ ئٹ اوار ءُ اوفتون دشمن نا وڑ ئٹ سلوک مرو۔
او ایسر ئٹ پارے کہ بلوچستان لبریشن فرنٹ دا اِرٹنگا جلہو تا زمہ واری تے ہرفک و آجو بلوچستان اسکان جلہوتے برجاء تخنگ نا عزم کیک۔
