بلوچستان نا جتاء ہند آتیٹ مروکا تدینی تیٹ 14 بندغ ٹپی و چنا ئسے تون اوار اِرا بندغ بیران مسُنو۔
بلوچستان نا ضلع لسبیلہ نا علاقہ وندر نا ہند آ بس و ٹرک ئس ڈک لگار، ریسکیو حوالکار تا رد ئٹ بس پنجگور آن کراچی آ بننگ اسک ہرا ترندی ئٹ بننگ نا سوب آن ٹرک ئسے تون ڈک لگا۔
تُدینی ٹی کس ئسے نا بیران مننگ نا حوال بتنے، اول 11 ٹپی مروکا بندغ تِہ سول اسپتال کراچی آ دریر، پدا ہندا تُدینی ٹی پین 6 ٹپی مروکا بندغ تِہ ہیسر، ہراکان گڈ تدینی ٹی ٹپی مروکا تا کچ 17 مسنے۔
ایلو کنڈ آن نوشکی قاضی آباد ئٹی سکول وین نا ٹھکر آن چناس بیران مسنے۔
اندن حوال رسینگانے کہ مَش تیا لگوک ریاض بلوچ چلتن نا مَش ئنا ٹُل ئے سر مننگ آن پد کھڈ ئسیٹ تمنگ آن بیران مس۔
