ایڈوکیٹ شیما صابر نا ایلم نا زوراکی ئٹ بیگواہی نا برخلاف عدالتی کاروائی تا بائیکاٹ نا پڑو۔
کیچ بار ایسوسی ایشن نا سینئر باسک شیما صابر ایڈوکیٹ نا ایلم مدثر صابر ئے درو چار شمبے نا دے تربت گوادر اسٹاپ آن گاڑی ٹی سوار سلاہ بن بندغ آک زوراکی ئٹ بیگواہ کریر۔
ایڈوکیٹ نا ایلم نا زوراکی ئٹ بیگواہی نا برخلاف کیچ بار ایسوسی ایشن، گوادر بار و کویٹہ ٹی وکیل آک اینو پنچ شمبے نا دے عدالتی کاروائی تیان بائیکاٹ نا پڑو تسر۔
جتاء بار ایسوسی ایشن تا وکیل آتے ہدایت کننگانے کہ او عدالت آتیا ہنپس۔
وکیل آتا خواست ءِ کہ مدثر صابر ئے زوت آجو کننگِہ نہ تو نن برانز ئٹی ترندی ہتون۔
