حوال تا رد ئٹ ضلع کیچ ئنا بنجائی شار تربت آن پاکستانی لشکر اسہ خوانندہ ئس دزگیر کننگ آن گڈ بیگواہ کرینے۔
شابیتی حوال تا رد ئٹ سنگانی سر تربت نا جہی، صابر علی نا مار مدثر ئے پاکستانی لشکری کارندہ غاک اینو شار آن دزگیر کننگ آن گڈ بیگواہ کرینو۔
پن کروک خوانندہ کیچ بار ایسوسی ایشن نا ایڈووکیٹ شیما صابر نا چُنکا ایلم ءِ ہرا نا وہی 16 سال ءِ و او ہشتمی جماعت نا خوانندہ اسے۔
تدینی نا بارث ئٹ بیان ئس شنگ کرسا کیچ بار ایسوسی ایشن مدثر نا بے قانودی دزگیری نا مذمت کرینے۔
او پارینو کہ او خوانندہ نا رکھوک آجوئی نا خواست کیرہ و عدالتی کارروائی آن اسہ دے ئنابائیکاٹ کننگ نا پڑو ہم کریر۔
