بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارینے کہ سرمچارک قلات نا ہند ئٹی ٹیلی نار ٹاورئے سُمکاری کرسا بے کار کریر و کُل مشینری تِہ ہُشار۔
او پارے کہ دو شمبے نا دے، شانزدہ ستمبر آ ہشت بجہ غا قلات نا ہند ہربوئی مرجان ئٹی بی ایل ایف نا سرمچارک دا سرسوب آ کاروائی ئے کریر و سلامتی ئٹ تینا ڈکھکوک جاگہ غا سر مُسر۔
ترجمان نا پاننگ اس کہ بی ایل ایف بحیثیت سلاہ بند تنظیم اسہ منظم و مربوط ہاٹی ئس تخک ہرا پوسکنا دور ئنا خواست آتے جوانی ئٹ پُہہ مریک و تینا راجی جنگ ئے پوسکنا خواست آتا رد ئٹ ہم آہنگ کننگ کن جہد کننگ ءِ۔
میجر گہرام پارے کہ اینو پوسکنا ٹیکنالوجی نا دور ءِ و بی ایل ایف نا ٹیکنیکل ٹیم پوسکنا ٹیکنالوجی ئے کارمرز کرسا فائدہ و نسخان تا رد ئٹ تیبہ چائندئی تخک۔
او ایسر ئٹ پارے کہ بلوچستان لبریشن فرنٹ دا جلہو نا زمہ واری ئے ہرفک و برجاء غا جہد ئے سرسوبی اسکان سر کننگ نا سوغند کیک۔
