بلوچ ریبلکن پارٹی (بی آر پی) نا بُنجاہی سیکریٹری جنرل ڈاکٹر بشیر عظیم ناجوڑی نا سوب آن اینو سبی اسپتال ئٹی کزیت کرے۔
بی آر پی نا جارکش شیر محمد بلوچ چاگڑدی حولکاری نا ویب سائٹ ایکس آ چنکو درشان ئسیٹی پارینے کہ نن بلوچ ریپبلکن پارٹی نا سیکریٹری جنرل ڈاکٹر بشیر عظیم نا کزیت آ اونا خاہوت نا ڈکھ ئتون اوار اُن۔
او پارے کہ شہید نواب اکبر بگٹی نا خُڑک انگا سنگت ڈاکٹر عظیم تینا زِند ئے بلوچستان نا مخلوق کِن جُہد ئنا پِنا کرے۔ اونا تاغت، وطن تون مابت ہر وخت ننا اوست آتیٹی زِندہ سلو۔ نن اونا جُہد ئے برجاء تِخون۔ او ساندئی جارات ئٹ مرے۔
