بلوچستان نا ضلع آواران شہر ئٹی پاکستانی لشکر نا بھلا کیمپ آ شام ئنا سلاہ بند بندغ آتا جلہو آن پد پاکستانی لشکر نا لشکر کشی برجاء ءِ ، فوج دائسکان اسپتال ئٹی تولوکءِ ایمبولینس آتا بھلو کچ ئس بسونے۔
پاکستانی لشکر آ جلہو آن پد آواران نا بازار تون اوار ایلو کسرتے بند کننگانے و ہندی بندغ آتے اُراتہ ہننگ نا اجازت تننگ افس۔ شام ئنا آواران آ بروکا لاری تے ہم تورینو۔
ہندن حوالءِ کہ جلہو ئٹی لشکرئے سخت جانی و مالی نسخان رسینگانے، ارانا سوب آن لشکر ہندی بندغ آتے تشدد نا گواچی کننگءِ۔
دائسکان ہم ہندی بندغ آتے اسپتال آ النگ افس، ہندن حوالءِ کہ دا وخت پاکستانی لشکر اسپتال ئٹی تولوکءِ۔
یاتی مرے کہ استو عشاء نا نماز نا وخت سلاہ بند بندغ آک پاکستانی لشکر نا کیمپ ئے جلہو ئٹی ٹک کریسُر۔ ہُرے اسکان شہر ئٹی تراک و سُُمکاری تہ توار بننگاسس۔
