شال ئنا علاقہ کچلاک ئٹی پولیس نا گاڑی آ تراک ئس مس ہرا نا سوب آن اسہ سب انسپیکٹر ئسے تون اوار اِرا کارندہ کھسکر و اسٹ ٹپی مس۔
کھئوک آک سب انسپکٹر زین الدین و سپاہی محمد طاہر نا پِنا درست مسنو۔
پولیس آن رسینگوکا حوال تا رد ئٹ نیو کچلاک پولیس تھانہ نا ٹولی ہڑدے نا وڑ گشت کننگ اس کہ تراک ئنا گواچی مس۔ او پاریر کہ تراک ئٹ پولیس وین ئے سخت نسخان مسنے۔
واہم جلہو نا ذمہ واری ئے دائسکان کس ہرفتنے۔
