بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارے کہ سرمچارک درو شام ئنا ہفت بجہ غا نوشکی نا مشی آ ہند ھژدہ خول ئٹی ساڑی ایف سی نا چیک پوسٹ آ اسنائپر جلہو کرسا اسہ کارندہ سے خلنگ آن پد چوکی آ راکٹ لانچر و ایلو پوسکنا سلاہ تیٹ جلہو کریر ہراڑان دشمن لشکرئے پین جانی و مالی نسخان تون مون تروئی تما۔
او پارے کہ خلیس نا گواچی مروکا دشمن سرمچار تا جلہو آن پد لس آبادی آ مارٹر نا گولہ خسا و سرمچار تِہ گھیرہ کننگ نا کوشست کرے ولے جوان انگا جنگی حکمت عملی تا ماہر سرمچارک رکھوک تینا ٹھکانہ غا تیا سر مسُر۔
ترجمان پارے کہ بی ایل ایف دا جلہو نا زمہ واری ئے ہرفک و آزاد بلوچستان نا دوئی مننگ اسکان تینا جلہوتِہ اندن برجاء تخنگ نا سوغند ہرفک۔
