بلوچستان یونیورسٹی نا خوانندہ غا تا پاننگ ءِ کہ پاکستانی لشکر منشیات نا پِنا مسن تا ہاسٹل ئٹی بسنے و ننا پروفائلنگ کننگانے۔
او پاریر کہ درو بلوچستان یونیورسٹی نا مسِن تا ہاسٹل ئٹی پاکستانی لشکر نا کارندہ غاک اینٹی نارکوٹکس نا وردی ٹی بسر و بیرہ بلوچ خوانندہ غاتے مُچ کرسا اوفتا پروفائلنگ ئے کریر، نودربر آتیان بے کاٹُمو سوج کرسا اوفتا ویڈیو جوڑ کریر۔
اوفک پاریر کہ ہاسٹل ئٹی بیرہ بلوچ خوانندہ غاتے مُچ کننگ نا مسخت انت ءِ؟ دا وڈ ئنا کاریمک بلوچ خوانندہ غا تا پروفائلنگ و اوفتے خُلیفنگ نا مثیل آکو ہرا ناجائز و بےقانودی ءُ۔
نودربر آک پاریر کہ دا وڈ ئنا کاریم تیان اوفک خُلیس نا ماحول ئس ودی کننگ نا کوشست کننگ ءُ۔ اینو اسکان یونیورسٹی نا مسِن تا ہاسٹل ئٹی منشیات نا بابت ئٹ ہچو غاو متنے، لشکر ننا پروفائلنگ ئے کننگ کن دا وڑ ئنا بے قانونی چم کننگ ءِ۔
