بلوچستان نا بنجائی شار شال آن اِرا وکیل پاکستانی لشکر نا دو آن زوراکی ئٹ بیگواہ کننگاکو۔
زوراکی ئٹ بیگواہ کننگوک وکیل آتا چاہنداری ایڈووکیٹ فدا احمد دشتی و ایڈووکیٹ صلاح الدین مینگل نا پنا مسنے۔
حوال تا رد ئٹ ایڈووکیٹ فدا احمد دشتی ئے کاؤنٹر ٹیررزم ڈیپارٹمنٹ (سی ٹی ڈی ) و ایلو نادرست آ مول تفوکا سلاہ بندغ آک استو شال ئنا علاقہ اے ون سٹی ٹی اوفتا اُراغان زوراکی ئٹ بیگواہ کرینو۔
اندن بلوچستان نا علاقہ واشک نا ہند ناگ آن تعلقداری تخوکا ایڈووکیٹ صلاح الدین مینگل ئے پاکستانی لشکر استو دوانزدہ بجہ نا وختا شال ئنا بروری روڈ گولی مار چوک آن زوراکی ئٹ بیگواہ کرینے۔
خن ئٹ خنوک شاہدی تا رد ئٹ پاکستانی لشکر و ڈھکوک ادارہ آتا کارندہ غاک مُسہ ویگو گاڑی ٹی سوار اسر، ہرا صلاح الدین ئے زوراکی ئٹ بیگواہ کریر۔
