دا جہان، ہراٹی نن رہینگِنہ ننے کل گڑا تا خبر مریک کہ دا جہاں ئٹی انت مننگ ءِ و مَنہ گِڑا تِہ چاننگ آن پد ہم نن تینٹ تینے بےچکار کینہ ہمر کہ ننا وطن 77 سال آن جوڑ کننگوک ریاست پاکستان نا کوزہ ٹی ءِ ننا تیبہ راج چائک کہ نن غلام ءُ راج ئسے اُن ولدا ہم نن تینے بے سماء کینہ ننا مونا بندغ آتے خلیرہ ولدا ہم نن کَھور آتا وڑ تینا کسر ئے بدل کینہ ہندُن تینے بے خبر آ تون کینہ کہ ننے ہچ خبر اف نن ہیچس خنتنُن۔
اَسہ شام ئس حضرت ابراہیم نا تُغ ئٹی اللہ بریک و اودے پائک کہ کنا عزیز آ سنگت نے کنے آن پد ہرا گِڑا دوست ءِ اودے کن کہ قربان کر و ابراہیم پائیک کہ کنے نے آن پد کنا مار اسمائیل دوست ءِ و او اودے اللہ نا پِنا قربان کننگ کن دیک و اسمائیل ہم خوشی ئٹ تینا باوہ تون اوار قربان مننگ کن کائک۔ او ثابت کیرہ کہ دا جہان ئٹی مذہب و سنگتی آن ودیک ہچ اف۔
و ہراتم ہیت وطن، راج ئنا مرے گُڑا ننے بھاز چراغ آتا پِن رسینگک ہمو چراغ آ تیان اَسٹ شہید جنرل اسلم بلوچ ءِ ہرا حضرت ابراہیم و اونا مار اسماعیل نا کسہ ئے چرخ کیرہ۔ او تینا جغر نا ٹُکر تینا مار ریحان ئے بارودی لاری ٹی تولفِسہ وطن نا رکھ کن قربان کیک۔
استاد اسلم و لمہ یاسمین دا ہیت ئے بلوچ راج ئتون اوار تیبہ جہان ئے پُہہ کیرہ کہ نن تینا راج و بقاء کن ہر گڑا کننگ کینہ نن اَسہ خوش نخت ءُ راج ئسے اُن کہ ننے شہید جنرل اسلم نا وڑو راہشون مِلانے۔
شہید جنرل اسلم بلوچ اینو جسمانی وڑ ئٹ نن تون اوار ساڑی اف ولے ہر مشکل وخت ئٹی ننتون اوار ءِ ،ننے کسر نشان تیک و کنے یخین ءِ کہ ظلم حد آن زیات مرے گُڑا ہر اَسہ اُرا ٹی لمہ یاسمین و شہید جنرل استاد اسلم نا وڑو لمہ باوہ مرو ہرا تینا مارتے بارود تفِسہ تینٹ فناء کننگ کن راہی کرور۔
استاد آک اسُل کھسپسہ او دوارہ پُوسکنو دروشم ئسیٹ ودی مریرہ جنگ کروکا سرمچار تیکن جیرت و حوصلہ ، دا سرزمین نا ہر بوچ شاہدی مرو کہ اسلم و شہید مروکا ہر اَسہ بلوچ اوفتا وارث ءِ، او ہچ وخت اوفتے اُستان دروفس، دا تہو ئٹ ہموفتا دِتر ءِ، ہر اَسہ مَش گواہ مرو کہ اَرانگا اوفک تینا مقدس انگا گھام تِہ تخانو۔
