بلوچستان نا علاقہ مستونگ آن تِدوکا دے تیٹی پاکستانی لشکر نا دو آن زوراکی ئٹ بیگواہ کننگوک صحافی تینا ایلُم تون اوار آجو مس۔
صحافی ظہیر احمد مینگل و اونا ایلُم محمد عامر اینو پنچ شمبے نا دے آجو کننگانو و تینا اُرا ئے سر مسنو۔
صحافی ظہیر مینگل تینا ایلم محمد عامر و عدنان پنیئو بندغ ئسے تون اوار 7 ستمبر آ شام ئنا 3 بجہ نا وختا کلی ٹنڈلان مستونگ آن اوفتا اُراغان پاکستانی لشکر نا دو آن زوراکی ئٹ بیگواہ کننگاسر۔
خاہوت نا رِد ئٹ لشکر نا کارندہ غاک اُرا نا بندغ آتیا ہم بیدادی کرسا لٹ کُٹ کریسر و موبائل آتے ہم دریسر۔
اینو ظہیر مینگل و اونا ایلم محمد عامر آجو کننگانو ولے عدنان پنی آ ورنا دئسکان بیگواہ ءِ۔
