بلوچ وائس فار جسٹس نا کنڈ آن شنگ مروک درشان ئٹی پاننگانے کہ آواران آن زوراکی ئٹ بیگواہ کننگوک دلجان بلوچ نا آجوئی کِن 13 ستمبر آ شام ئنا 8 بجہ غان 12 بج اسکان ایکس آ کیمپئن ئس اڈ تننگ مرو۔
درشان ئٹ پاننگا کہ اللہ بخش نا مار دلجان بلوچ ئے 12 جون 2024 آ آواران نا علاقہ تیرتیج آن پاکستانی لشکر زوراکی ئٹ بیگواہ کریسس و دائسکان اونا ہچو ڈس ئس اف۔
جارکش پارے کہ دا سخت انگا حالیت آتیٹی، بلوچ وائس فار جسٹس نا مُچ بندغ دوست، سیاسی باسک، صحافی، خوانندہ، وکیل و ایلو فکری تپہ آتیان تعلقداری تخوکا بندغ آتیان خواست ءِ کہ او دا کمپئن ئٹی بخش ہلسہ دلجان بلوچ ئے انصاف تِننگ کِن کِڑدار ادا کیر۔ دا کمپئن نا مسخت زوراکی نا بیگواہی تا برخلاف توار بُڑز کننگ و اونا آجوئی کِن زور شاغنگ ءِ۔
ایلو کُنڈ آن زوراکی ئٹ بیگواہ کنگوک دلجان نا خاہوت ہم سیاسی، چاگڑدی باسک و بندغی حق آتا ادارہ، باسک و چاگڑدی حوالکاری میڈیا نا کارمرز کروکاتیان خواست کرینو کہ اوفک دا کمپئن نا بخش مریر و خاہوت نا دڑد خوار مریر۔
