بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارے کہ سرمچار آک بارکھان، تربت و زامران ئٹی مُسہ جتاؤ جلہو تیٹی موبائل ٹاور و کوزہ گیر لشکرئے ٹک کریر۔
او پارے کہ ہفت ستمبر نا شام ئنا چار بجہ غا سرمچار آک بارکھان نا ہند مری وال ئٹی یوفون کمپنی نا موبائل ٹاور آ جلہو کرسا موبائل ٹاور ئے مشینری تیتون اوار بھس کریر۔
اونا پاننگ اس کہ اسہ پین جلہو ئسیٹی 30 اگست نا شام ئنا ہشت بجہ غا سرمچار آک تربت آبسر دکی بازار ئٹی جوڑ مروکا ایف سی چیک پوسٹ ئے چغلی بمب جلہو ئٹی ٹک کریر، جلہو ئٹی ایف سی نا ِارا کارندہ ٹپی مس۔
ترجمان پارے کہ مُسٹمیکو جلہو ئٹی سرمچار آک زامران نا ہند دشتک ئٹی پاکستانی لشکر نا کنڈ آن اڈ مروکا انٹرنیٹ (وائی فائی) ٹاور ئے سُمکاری کرسا و ہُشِسہ بھُس کریر و ٹاور نا سولر و بیٹری سسٹم ئے تینتون دریر۔
او پارے کہ بلوچستان لبریشن فرنٹ نا مسخت آجو بلوچستان ءِ دا مسخت کن بی ایل ایف سلاہ بند جہد ئٹ پاکستانی لشکر، لشکری ماڑی و مڈی، حال حوالی نظام ئے ٹک کرسا ریاست ئے نسخان تننگ ءِ۔ بی ایل ایف ئے بلوچ راج ئنا تیبہ مُخ تفی تُد ءِ و راج ئنا کُمک و تعاون ئٹ تنظیم کاریم کننگ ءِ۔
میجر گہرام ایسر ئٹ پارے کہ بی ایل ایف دا مُسٹنگا جلہو تا زمہ واری ئے ہرفک و آزاد بلوچستان اسکان جلہو تے برجاء تخنگ نا سوغند ہرفک۔
