بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارینے کہ سرمچار آک کیچ و پنجگور ئٹی اِرا جتاؤ جلہو ئٹی کوزہ گیر لشکر و پولیس فورس ئے ٹک کریر۔
او پارے کہ 09 ستمبر نا شام ئنا ہشت و نیم آ سرمچار آک کیچ ئنا ہند گورکوپ ئٹی کوزہ گیر لشکر نا بھلا کیمپ آ کیہی اے ون نا گولہ خسار ہرا کیمپ ئنا تہٹی تمار، اوکان پد سرمچار آک پوسکن و بھلا سلاہ تیٹ کیمپ ئے ٹک کریر ہراٹی دشمن لشکرئے جانی و مالی نسخان ہرفوئی تمانے۔
اونا پاننگ اس کہ اسہ پین جلہو ئسیٹی سرمچار آک 08 ستمبر یک شمبے نا دے پولیس نا اُلاخ ئے ٹک کریر ہراٹی پولیس نا سب انسپکٹر شکیل احمد خلنگا۔
ترجمان پارے کہ بلوچستان بلوچ راج ئنا ڈیہہ ءِ و وطن نا گواچنی فرزند آک سرزمین آ پاکستانی کوزہ نا برخلاف سلاہ بند جہد ئٹ پاکستانی لشکرئے ذہنی، جسمانی و نفسیاتی شکست نا گواچی کرینو ہرا نا سوب آن بےسوب آ لشکر لس مخلوق و بے ڈوہ آ الس ئے ٹک کیک۔
او پارے کہ پولیس ئے خبردار کینہ کہ اوفک سرمچار آتا رند ئٹ تمنگ آن پہریز کیر اگہ نا اوفتا ایسر ہم دشمن لشکر نا دروشم ئٹ مرو۔
میجر گہرام ایسر ئٹ پارے کہ بی ایل ایف دا ارٹنگا جلہو تا زمہ واری ئے ہرفک، آجو بلوچستان اسکان جلہو کننگ نا قول کینہ۔
