بلوچستان نا ضلع خاران ئٹی مسن تا کالج نا خوانندہ آک کالج نا مونغی ٹی ایف سی کیمپ جوڑ کننگ نا برخلاف برانز ریکارڈ کریر۔
برانز ئٹی خوانندہ آک کالج نا مونغی ٹی فوجی کیمپ جوڑ کننگ نا برخلاف نعرہ خلکر۔ اوفتا پاننگ اس کہ کالج نا مونغی ٹی فوجی کیمپ جوڑ کننگ آن خوانندہ آک زیمی مننگ ءُ۔
او پاریر کہ زالبول تا خواننگ جاہ تا تہٹی کیمپ جوڑ کننگ بلوچ دود آتا برخلاف ءِ ہراڑان مسن تا خواننگ زیمی مریک۔
برانزی تتون تران کن ڈپٹی کمشنر خاران منیر احمد سومرو بس ہراکان گڈ خوانندہ غاک تینا برانز ئے ایسر کریر۔
یاتی مرے کہ داکان مُست ہم بلوچستان ئٹی پاکستانی لشکر خواننگ جاہ تے تینا فوجی کیمپ جوڑ کرینے ہرا نا سوب آن خوانندہ غا تا خواننگ زیمی مسنے۔
