بولان و اسپلنجی ٹی پاکستانی لشکر نا لشکرکشی برجاء ءِ، ہیلیک ہم بال کننگ آ خننگانو۔ ہندن فوج ئنا پند ئٹ بروکا کارندہ آ تِہ بمب جلہو ئٹ ٹِک کننگانے۔
حوال تا رِدئٹ مچھ بولان و ہیب ءَ کھیب ئٹ فوجی ہیلی تا بال برجاء ءِ و فوج ئنا بھلو کچ ئسے نا بنّنگ نا ڈس ءِ۔
جہی آ حوال تا رد ئٹ اٹکل شش ہیلی ہِننگ بنّنگ آ خننگ مسنو۔
ایلو کنڈ آن اسپلنجی مستونگ و دامون ہیمون ئٹ ہم فوجی ہیلیک بال کننگ آ خننگ مسنو و پند ئٹ ہنوکا فوجی کارندہ آ تِہ بمب جلہو ئٹ ٹک کننگانے۔
ریاستی کوالخواہ تا کنڈ آن دائسکان دا بارث ئٹ ہچّو حوال مونا بتنے۔
