حوال تا رد ئٹ مند ئنا ہندی ورناس بحرین آن دزگیر و پاکستان آ ڈیپورٹ مننگ آن گڈ کراچی ائیرپورٹ آن زوراکی ئٹ بیگواہ کننگانے۔
اونا خاہوت نا رد ئٹ مند کھنک نا ہندی عثمان نا مار اسد بلوچ ئے بحرین حکومت بیدس ہچو وضاحت ئسے آن 28 اگست آ بحرین ئٹی دزگیر کریسس ہراکان گڈ اودے پاکستان آ ڈیپورٹ کننگاسس۔
اوفتا پاننگ ءِ کہ اسد بلوچ ئے بحرین آن عرب امارات ٹرانزٹ جہاز ئٹی کراچی آ رادہ کننگاسس۔ ولے کراچی ائیرپورٹ آن اودے 29 اگست آ حکومتی ایجنسیک دزگیر کرسا بیگواہ کرینو۔
خاہوت نا خواست ءِ کہ اسد بلوچ ئے آجو کننگِہ اگہ او ڈوہ ئس کرینے تو اودے عدالت ئٹی ہتنگ مرے و اودے پاش کننگ مرے۔
