سمی دین بلوچ چاگڑدی حوالکاری ویب سائیٹ ایکس آ پوسٹ ئس کرسا پارینے کہ اینو سہب ئنا نن سندھ ہائی کورٹ ئٹی پٹیشن تسونن۔
او پارے کہ ہنت کہ درو کراچی ائرپورٹ آ کنتو مس و کنا ہن ءَ بر آ ہرا وڑ رکھ خلنگانے محکمہ داخلہ و بلوچستان حکومت نا کنڈ آن کنا پِن ئے ایگزٹ کنٹرول لسٹ (ای سی ایل) ئٹی شاغنگ نا حکم نا بارث ئٹ درخواست ئس جمع کننگا ہرا نا سوب آن کنے سفر کننگ آن توننگا۔
او پارے کہ عدالت ئٹی کنا کیس ئے پگہ بِننگ کن وخت تننگانے۔
او ودیک پارے کہ نن وار وار آ ریاستی زوراکی تا برخلاف قانودی جہد کرینن ولے داڑان ویتہ ہم ننتو ہچ وخت انصاف متنے کہ ہراڑان ننا یخین بحال مرے۔
او پارے پدا ہم نن اسہ شاری سے نا وڑ ساندہ عدالت آتا مون کرینن و دا وار ہم نن دا معاملہ ٹی قانودی جہد کرون۔
