قلات نا ہند جوہان نرمک ئٹی استو شام ئنا پاکستانی لشکر اِرا بندغ ئے اُراغان کشا و سُم خلِسہ کھسفے۔
حوال تا رد ئٹ اِرٹنگا شہید مروکا بندغ آک ایلم ءُ ہرافتے استو قلات نا ہند نرمُک درنگ ئٹی عبدالنبی لہڑی نا ُاراغان دزگیر کننگانے۔
اوفتا چاہنداری اسماعیل و حبیب اللہ نا پن ئٹ مسنے ہرافتے پاکستانی لشکر دزگیر کننگ آن پد اُراغان زرس مونی دننگ آن گڈ سُمکاری کرسا شہید کرینے۔
ہندی حوال تا رد ئٹ ارٹنگا ایلُمک زمینداری کریرہ و اوفتیان اسٹ ئس مرگی نا مریض اسک۔ ارٹنگاتے پاکستانی لشکر شام ئنا اُراغان دزگیر کننگ آن پد زرس مُر درسا شہید کرے۔
ایلو کنڈ آن آئی ایس پی آر ساندہ نا وڑ دروغ تھڑِسہ پارینے کہ پن کروک بندغ آک مونتس ئٹی خلنگ مسنو۔
