بلوچستان نا ہند ضلع پشین ئٹی سی ٹی ڈی پنچ بندغ خلنگ نا دعویٰ۔
سی ٹی ڈی نا رد ئٹ ہنوکا دے سی ٹی ڈی ئے حوال رسینگا کہ ٹی ٹی پی نا پنچ شارپ شوٹر پشین نا ہند سرخاب مہاجر کیمپ ئٹی کاروائی نا ڈٹ بندی کننگ ءُ۔
اوفتا رد ئٹ حوال رسینگ آن پد سی ٹی ڈی ہندئے گھیرہ کرسا اوفتے سلاہ بٹنگ نا پارے ولے اوفک سی ٹی ڈی آ سُمکاری کریر۔
ہراکان گڈ سی ٹی ڈی نا جوابی کاروائی ٹی پنچ بندغ احمد اللہ عرف علی عرف بدری، احسان اللہ متوکل عرف حامد، سمیع اللہ و اوفتا پین اِرا سنگت خلنگار۔
سی ٹی ڈی نا رد ئٹ خلنگ مروکا بندغ آتون اسہ ایس ایم جی، اسہ 30 بور ٹی ٹی پستول، اِرا نائن ایم ایم پستول، سُم، اِرا گرنیڈ، اسہ آئی ڈی، چار کلو تراک ئنا مواد، پرائما کارڈ و اسہ موٹر سائیکل ئس پیشتمانے۔
خیال ئٹ مرے کہ سی ٹی ڈی نا کاروائیک مشکوک ءُ مُست ہم پن ئنا مونتس تیٹی مُست آن دزگیر یا مُست آن بیگواہ کروک بندغ آتے شہید کننگانے ولے دا تدینی نا بابت ئٹ دائسکان پین تنظیم ئسینا درشان ئس مونا بتنے۔
