مستونگ آن پاکستانی لشکر نا دو آن صحافی تون اوار 3 مُسہ بندغ زوراکی ئٹ بیگواہ کننگانو و دالبندین آن اسہ جون ئس خننگانے۔
بیگواہ کننگوک بندغ آتا چاہنداری صحافی ظہیر احمد مینگل،محمد عامر و عدنان بلوچ نا پن ئٹ مسنے۔
حوال تا رد ئٹ مستونگ ئٹی پاکستانی لشکر استو نن ئنا سئے بجہ غا کلی ٹنڈلان ٹی چھاپہ خلِسہ غوث بخش نا مار صحافی ظہیر احمد مینگل و اونا ایلم محمد عامر ئے اُراغان دزگیر کرسا تینتو درینو ہراکان گڈ اوفتا بارث ئٹ ہچو معلومداری رسینگتنے۔
اوفتا خاہوت نا پاننگ ءِ کہ سیکیورٹی کارندہ آک اُرا نا بندغ آتیا بیداری کرینو اوفتا موبائل فون تِہ ہم پُھلانو۔
اندن کلی کڑک مستونگ آن نن نیمہ غا پاکستانی لشکر اُرا سے آ چھاپہ خلِسہ بلوچ یکجہتی کمیٹی نا باسک عدنان بلوچ ئے دزگیر کرسا تینتو درینو۔ ہراکان گڈ اونا ڈس اف۔
