بلوچستان نا بنجائی شار شال ئٹی باوہ ننگ ئنا پِنا تینا مسڑ ئے و شک ئٹ اونا سنگت ئے کھسفے۔
حوال تا رد ئٹ تدینی نواں کلی ٹی مسنے، و ہڑتوما جون تِہ ہندی اسپتال آ راہی کننگانے۔
ڈوہ دار نّرانے ہرادے پولیس نا بھلو کچ ئس پٹّنگ بِنا کرینے۔
ایلو نیمہ غا شال ئٹی کچّاؤ اُرا سے نا چھت ئنا تمّنگ آن اسہ اُرا نا چھار بندغ کھسکنو۔ حوال تا رِدئٹ تدینی دے ٹِکی بائی پاس شال ئٹی مسّنے۔
ہندن نوتال نصیر آباد آن پولیس نادرستو جون ئس خنانے، پولیس نا پاننگ ءِ کہ بھازی آن گاڈی ئس لائانے تَہ۔
جون ئے سول اسپتال ڈیرہ مراد جمالی نا مُڑدہ خانہ ٹی تخنگانے۔ ہرا دائسکان درست متنے، مُستی پولیس پٹ ءَ پول کننگ ئٹی ءِ۔
