(ذیشان منان)
شعر پاوہ لکھیوہ انت نا خیال ئٹ چاکری
کاغد آتون ہمرہی اُٹ ای کہ بال ئٹ چاکری
نی دتر تیٹ ڈیہہ ئنا دشت آتیٹی گواڑخ دساس
ای پت آتے لاب کیوہ بس زوال ئٹ چاکری
عاجزی سگ و دلیری تا صفت ورنائی ٹی
دیر مرو شیدا وطن کِن نا مثال ئٹ چاکری
ہر اسہ سنگت نا مٹ افّ نی ولہ کُھل آن جِتا
نا وڑ او ہَمبل مفک ہر دے ءُ سال ئٹ چاکری
اینو خُمب ئٹ لُمہ نا تنگان اُس شہید آتا لڑ ئٹ
دڑد ئے نا بولان سہنگ ئے یاد ئے شال ئٹ چاکری
ننکِن الانس کلہو ئے آجوئی نا سُہب ئنا
کُھل شہید آتیکن دروت آک نا حوال ئٹ چاکری
