بلوچستان ئٹی پھر تا بُھس کاری برجاء ءِ، کھئوک آ بندغ آتا کچ چِھل آن زیات مس۔
بلوچستان ڈیزاسٹر مینیجمنٹ اتھارٹی (پی ڈی ایم اے) نا حوال نا حساب آ یک جولائی آن دائسکان بلوچستان ئٹی پِھر تیان، لوڑو و مُد ئنا ناجوڑی تیان چِھل آن گیشتر بندغ بیران مسنو۔ ہندن نوزدہ بندغ ٹھپی مسّنو۔
زوراک آ پِھر و لوڑو تیان دائسکان بلوچستان ٹی پانزدہ سد و نوَد و یک اُرا تمّانے و پانزدہ ہزار ہفت سد و نوَد و ہفت اُرا گڑاس نسخان مسنو۔ بھاز آ جہہ تا ہفت پُہل، کیہی کسر تہ و ریل ئنا کسر ئے ہم گیشتر نسخان رسینگانے۔
پھر تیٹ و پھر تیان پد بروکا لوڑو تا نسخان کننگ برجاء ءِ۔ پی ڈی ایم اے نا پاننگ ءِ کہ جولائی آن دائسکا پھر تیٹ کھئوکا تیٹ سینزدہ چُنا ارے۔
محکمہ مُد بلوچستان ئٹی پین پِھر ئنا پارینے، ایلو نیمہ آ مخلوق انتظامیہ و حکومت آن خواست کرینے کہ او دا تدینی تا زیہا زوت عمل کیر۔
