مستونگ نا علاقہ اسپلنجی ٹی پاکستانی لشکر نا ہیکی کاپٹر آک بال کننگ ءُ و پین فوجی چوکی جوڑ کننگانے۔
حوال تا رد ئٹ درو آن پاکستانی لشکر نا ہیلی کاپٹر آک بال کننگ ءُ۔ و فوجی چیک پوسٹ آتیا سخت پٹ پول مننگ ءِ و پاکستانی لشکر اسپلنجی و ہیب کھیب ئنا علاقہ آتیٹ پین چوکی جوڑ کرینے۔
ہندی حوال تروکا پارینو کہ پاکستانی لشکر نا کاروان ئس مچھ آن اسپلنجی آ بسنے۔
ہندن موبائل نیٹورک آک ہم بند کننگانو۔ علاقہ ٹی بھلو کچ ئسیٹی لشکر کشی نا خلیس نا درشانی مننگ ءِ۔
خیال ئٹ مرے کہ تدوکا دے قلات نا مشی آ لڑ تیٹ فوجی ہیلی کاپٹر آک اسہ وڑ بال کننگ آ خننگ مسوسر و سائیجی ٹی پاکستان لشکر نا کاروانک بننگ ءُ و پوسکنو چوکی جوڑ کننگ ءُ۔
کوالخواک فوجی سُر پُر ئٹی ودکی نا بارث ئٹ دائسکان ہچو شابیتی حوال تتنو۔
