بلوچستان نا بنجاہی شہر کوئٹہ آن اسہ ورناس زوراکی ئٹ بیگواہ، کیچ ئنا ہندی بندغ ئس آجو مریسہ ارائے سر مس۔
شابیتی حوال آتا رد ئٹ کوئٹہ آن پاکستانی لشکر نومی بلوچ پِنیءُ ٹک ٹاکر ئسے زوراکی ئٹ بیگواہ کرے۔
ہندا ورنا ٹک ٹاک آ ویڈیو جوڑ کریکہ ہرادے 23 اگست 2024 آ دہ بجہ ئنا خڑک کوئٹہ آن بیگواہ کننگا۔
کیچ پیدارک نا ہندی سمیر ولد نعمت اللہ آجو مریسہ اُرائے سر مس۔ہرادے تدوکا سال کراچی رئیس گوٹھ آن پاکستانی لشکر دزگیری آن پد بیگواہ کرسس، ورنا نا زوراکی ئٹ بیگواہی نا برخلاف خاہوت تُربَت ڈی سی آفس نا مون آ برانز تیٹ ہم اوار مسس۔
