بلوچستان لبریشن فرنٹ نا ترجمان میجر گْوہرام بلوچ میڈیا آ اگست ئٹی مروکا جلہو تا حوال ئے شنگ کرسا پارینے کہ ننا سرمچاراک اگست نا تُو ئٹی پاکستانی فوج ئنا جہہ تا و پاکستان نا پِن ئنا آجوئی نا دیوان آتا پنجا و یک جلہو کرینو۔
ترجمان پارے کہ جلہو آتیٹ فوج ئنا سی و پنچ آن گیشتر کارندہ مرگ ئنا گواچی ہندن چِھل ٹھپی مسنو۔ جلہو آتیٹ دشمن نا چھار ایجنٹ ہم خلّنگانے و اسٹ ئس ٹھپی مسّنے۔ دا جلہو آتیٹ دشمن نا اسہ ڈرون کیمرا ئس خلّنگانے، چھار ٹاور تون اوار تعمیراتی کمپنی تا مشینری تہ سُم ئٹ ٹِک کننگانے و خاخر تننگانے۔
میجر گْوہرام بلوچ ودیک پارے کہ جلہو آتیٹ فوج ئنا کیہی گاڈی و موٹر سائیکل آتہ ہم نسخان رسینگانے۔
جارکش ایسر ئٹ پارے کہ لمّہ وطن نا رکھ ئٹی بلوچستان بی ایل ایف نا اِرا سرمچار سنگت شمبین عرف شیہک و میجر نصراللہ عرف استاد چاکر شہید مسّنو۔
