بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارے کہ بلوچ سرمچار آک بارکھان نا ہند تنگ کاریڑ ئٹی موبائل ٹاور ئے سُم کاری کرسا ہُشار۔
او پارے کہ یک ستمبر یک شمبے نا شام ئنا شش بجہ و چھل منٹ آ بارکھان نا ہند تنگ کاریڑ ئٹی اڈ مروکا یوفون کمپنی نا ٹاور آ سرمچار آک سُم کاری کریر و مشینری تے ہُشار۔
اونا پاننگ اس کہ ریاستی حوال حوالی نظام نا مسخت بلوچستان ئٹی بلوچ سرمچار آتے ٹریس کرسا ٹک کننگ ءِ ولے بلوچ سرمچار آک ہمو ڈٹ تے ٹک کرور ہرانا مسخت بلوچ راج و سرمچار آتے نسخان تننگ ءِ۔
ترجمان پارے کہ موبائل ٹاور آتا تعینات ہندی چوکیداری تے ہم خبردار کینہ کہ بلوچ سرمچار آتا کسر نا مونا بفس اگہ نہ گُڑا تینا نسخان نا ذمہ وار تینٹ مرور۔
او ایسر ئٹ پارے کہ بی ایل ایف دا جلہو تا زمہ واری ئے ہرفک و ریاستی لشکر و اونا ڈٹ تے پاکستانی لشکر نا پیشتمنگ اسکان ٹک کرسا کرو۔
