کوئٹہ نا گورنمنٹ سائنس کالج ئٹ خاخر لگنگ آن ماڑی نا بھلو بشخ ئس خاخر نا پلویڑ ئٹ برسا ہُشنگانے۔
حوال تا رد ئٹ استو ننکان گورنمنٹ سائنس کالج کوئٹہ ٹی خاخر لگنگ نا سوب آن ماڑی نا بنجائی درگہ تون اوار اسہ بھلو بشخ ئس ہُشنگانے۔
فائر برگیڈ خوالخواہ تا رد ئٹ اوفتے ہُرے آ حوال رسینگ نا سوب آن خاخر بھلو کچ ئسیٹی نسخان کرینے۔
انتظامیہ نا رد ئٹ پاش وڑ ئٹ تو اندا گمان ءِ کہ خاخر بجلی نا سارٹ سرکٹ نا سوب آن لگانے وا ہم خاخر لگنگ نا اصل سوب دائسکان سما تمتنے۔
کالج نا برانڈہ و وائس پرنسپل نا دفتر تیوہ غا ہُشنگسہ ہِس مسنو و انٹر کلاس نا منَہ کوٹی تے نسخان مسنے۔
کالج انتظامیہ نا پاننگ ءِ کہ ایڈمن دفتر ئے ہم خاخر آن نسخان مسنے۔
