بلوچستاب لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارے کہ 29 اگست نا شام 7 بجہ آ سرمچار آک مستونگ نا علاقہ تلخ کاوی ٹی جوڑ مروک ایف سی کیمپ آ راکٹ و ایلو بھلا سلاہ تیٹ جلہو کریر، راکٹ نا گولہ آک کیمپ ئنا تہٹی تمار ہرانا سوب آن پاکستانی لشکر ئے جانی و مالی نسخان مس۔ کاروائی آن پد پاکستانی لشکر مارٹر گولہ خلک و تینا مون سُم کاری کرے واہم سرمچار آک سرسلامتی ئٹ پیش تمار۔
اونا پاننگ اس کہ اندن اینو اسہ پین کاروائی سیٹی پیشیم نا دو بجہ آ سرمچار آک خاران بازار ئٹی چیف چوک ئنا خڑک کوزہ گیر پاکستانی لشکر نا لاری ئے چغلی بمب ئٹ ٹک کریر ہرا نا سوب آن دشمن نا اسہ کارندہ ئس کھسک و ارٹ ٹپی مسر۔
او ودیک پارے کہ تینا فطرت آن بیوس و نفسیاتی شکست کنوک پاکستانی لشکر بے سہبی نا درشانی ئے کرِسہ تینا مون سمکاری کریر ہرانا سوب آن اِرا کسر آن گدرینگوک ٹپی مسُر و لاری تے ہم نسخان مس۔
او پارے کہ بی ایل ایف بلوچستان نا ہر ضلع ٹی تینا جُوان ئنگا جنگی حکمت عملی تیٹ فورسز ئے ٹک کننگ ءِ ہرا نا سوب آن دشمن لشکر نفسیاتی و خلیس نا گواچی ءِ، ہرانا سوب آن لس مخلوق آ سم کاری کرِسہ تینا خار ئنا درشانی ئے کیک۔
ترجمان ایسر ئٹ پارے کہ بی ایل ایف دا تومکا جلہو تا ذمہ واری تے ہرفک و دشمن لشکر نا تیوہ غا پیشتمنگ اسکان جلہو برجاء مرور۔
