بلوچستان ئٹی پاکستانی لشکر جیرک بارڈر آ مزوری کروکا 13 سالی چُنا ئے بے قانودی دزگیر کرسا بیگواہ کرینے۔
بیگواہ کننگوک چُنا نا چاہنداری حسین عرف چیسل نا مار شہسوار نا پن ئٹ مسنے۔
خاہوت نا پاننگ ءِ کہ او تینا باوہ نا شہیدی آن پد مزوری کرسا اُرا ئے چلِفیکہ، اوفتا ہچو سیاسی و چاگڑدی تنظیم تون تعلقدار افک۔
خاہوت پارے کہ اگہ اوڑا دوبہ اسک اودے پولیس قانودی وڑ ئٹ تفتیش کن دریکہ نن تینٹ کمک کرینہ۔ ولے دہن اَسہ معصوم ءُ چُنا ئسے تینے ریاست پاروکا ملک ریگولر لشکر غنڈہ گردی ئٹ بیگواہ کرے گُڑا اوڑا مودہ ہی کننگ مریک۔
