بلوچ اسٹوڈنٹس ایکشن کمیٹی نا بنجائی ترجمان تینا شنگ کروک بیان ئٹی پارینے کہ مکران میڈیکل کالج ئٹی خوانندہ غاتا برانز و اوفتا خواست آتا مخ تفی ئے کینہ۔ مکران میڈیکل کالج ہرا بھلو وخت ئسے آن انتطامی ویل آتا پلویڑ ئٹی ءِ ہراڑان خوانندہ غاتا تعلیمی کیریئر آ منفی زہم تمنگ ءِ۔ انتظامیہ دا ویل آتے ایسر کننگ ئٹ بے لائخی نا درشانی کننگ ءِ و دے پہ دے خوانندہ غاتا تعلیمی ویل آتیٹ ودکی مننگ ئٹی ءِ۔
ترجمان پارے کہ میڈیکل کالج ئٹی برجاء خوانندہ غاتا تینا جائز خواست آتیکن برانز کننگ اوفتا بنداوی تعلیمی حق ءِ ہرا نا نہ بیرہ مخ تفی ئے کینہ بلکہ اوفتا خواست آتا حق ئٹی اوفتتون ہم کوپہ سلوک اُن۔ بڑزکو کوالخواک، محکمہ جانجوڑی و تعلیم و میڈیکل کالج بست و بند آن خواست کینہ کہ خوانندہ غاتا جائز خواست آتے منِسہ زوت دا ویل ئے ایسر کیر۔
