آسف بلوچ و رشید بلوچ نا بیگواہی ئے شش سال پورو مننگ آ بلوچ وائس فار جسٹس نا کنڈ آن چاگڑدی حوالکاری میڈیا غا مہم نا پڑو کننگانے۔
بلوچ وائس فار جسٹس نا کنڈ آن پاننگانے کہ خضدار نا ہندی زوراکی ئٹ بیگواہ کننگوک آصف بلوچ و رشید بلوچ نا زوراکی ئٹ بیگواہی ئے شش سال پورو مننگ آ 31 اگست آ چاگڑدی حوالکاری میڈیا غا شام ئنا 8 بجہ آن 12 بجہ اسکان سوشل میڈیا پلیٹ فارم آ چاہنداری مہم ئس اڈ تننگ مرو۔
درشان ئٹی پاننگا کہ آصف و رشیدئے پین 9 بندغ تون اوار 31 اگست 2018 آ نوشکی نا پنی آ پکنک پوائنٹ زنگی ٹاور آن زوراکی ئٹ بیگواہ کننگاسس۔
او پاریر کہ اوفتے سی ٹی ڈی میڈیا نا مونا ہیسس و اوفتا دزگیری ئے پاش کرے، واہم اوفتے داخس سال ئٹی ہچو عدالت ئسے آ ہتنگ متنے و اوفک دائسکان بیگواہ ءُ۔ اوفتا پین منہ سنگت آک منہ وخت آن پد آجو کننگار۔
بلوچ وائس فار جسٹس زند ئنا کُل بشخ آتیان سیالی تخوکا بندغ آتیان خواست کرینے کہ اوفک دا مہم نا بشخ مریر و انصاف کن توار بُڑز کیر۔
