حوال تا رد ئٹ بلوچستان نا دریابی شار گوادر آن پاکستانی لشکر اسہ ورناس دزگیر کننگ آن گڈ بیگواہ کرینے۔
بیگواہ کننگوک ورنا نا چاہنداری حاجی نذیر احمد نا مار نصیب اللہ نا پن ئٹ مسنے ہرا خاران کلی چبی نا ہندی اسے۔
پن کروک ورنا ئے آر سی ڈی سی نا ایف سی کارندہ آک گوادر گرائمر اسکول نا مون آن پرچون نا دکان آن دزگیر کرسا بیگواہ کرینو۔
ہندی بندغ آتا رد ئٹ دزگیری آن مُست اوڑان پاکستانی لشکر سوج کریسس کہ او 18 جولائی آ راجی مُچی نا وختا تینا دکان ئے انتئے ملاسس و مخلوق ئے آسراتی انتئے تسس۔ ہراکان گڈ اودے دزگیر کرسا درینو و اونا بارو ئٹ ہچ حوال اف کہ امر ءِ و اراڑے کن ءِ۔
