ایران آن زیات کروک بروکا بندغ آ تا بس بلوچستان نا مکُران کوسٹل ہائی وے آ دگ ویل ئنا گواچی مس ہرانا سوب آ 10 بندغ بیران و 30 آن زیات ٹپی مسُر۔
تدینی اورماڑہ نا ہند ٹی بزی ٹاپ آن خُڑک بس، بریک فیل مننگ نا سوب آن بس کھڈ ئٹی تما۔
کمک کروکا تا رد ئٹ 10 بندغ بیران و 30 آن زیات بندغ ٹپی مسُنو۔
پولیس نا پاننگ ءِ کہ ایران آن زیارت کروک بروکا تا بس پنجاب آ ہننگ اس، ٹپی و بیران مروکا بندغ آتا جون تے خُڑک ئنا اسپتال آ درینو۔
پولیس کالخواہ تا پاننگ ءِ کہ دا بندغ آتا تعلقداری لاہور و گوجرانوالہ آن ءِ۔
یاتی مرے کہ مَنہ دے مُست ہم ایران ئٹی پاکستان آن زیارت کن ہنوکا بندغ آتا بس تدینی نا گواچی مسس، ہراٹی 28 بندغ بیران و 15 ٹپی مسوسُر۔
