فرانس نا بنجائی شار ئنا اسہ ائیرپورٹ ئسے آن پولیس ٹیلی گرام ایپ ئنا خواجہ پاول دروف ئے دزگیر کرینے۔
فرانس نا میڈیا نا رد ئٹ پاول دروف تینا جند ئنا اسہ جہاز ئسے ٹی لے بوجیہ ایئرپورٹ آ سر مسس ہراڑے اودے پولیس دزگیر کرے۔
کوالخواہ تا پاننگ ءِ کہ دورف نا برخلاف ٹیلی گرام ایپ ئنا پارث ئٹ کیہی دوبہ ارے ہرا نا سوب آن اونا دزگیری نا وارنٹ تننگاسس و اندا سوب آن اودے دزگیر کننگانے۔
دانگان روسی خبر تروک ادارہ تاس ئنا رد ئٹ فرانس ئٹی روسی سفارتخانہ نا پاننگ ءِ کہ او دا رد ئٹ گھام ہرفنگ ءُ۔
ٹیلی گرام روس و یوکرین آن بیدس مسکوہی سوویت یونین نا ریاست آتیٹ گیشتر کاریم ئٹ ہتوک حال حوال کننگ نا ایپ اسے۔
روس ئٹی دا ایپ آ 2018 ٹی رکھ خلنگاسس۔ داکان مُست دروف ٹیلی گرام ایپ کارمرز کروکا تا ڈیٹا ئے تننگ آن نمن کریسس ولے 2021 ئٹی اوڑان رکھ مُر کننگاسس۔
دروف 2013 ئٹی ٹیلی گرام ایپ ئے جوڑ کریسس۔ داکان مُست 2014 ٹی روس ئے الاسس ہراتم حکومت اونا سوشل میڈیا پلیٹ فارم ’وی کے‘ آ رکھ خلکسس۔ اوکان گڈ او تینا ہمو کمپنی ئےببہا کریسس و دبئی ٹی جہی اس ہراڑے او ٹیلی گرام کمپنی ئے جوڑ کریسس۔
حوال تا رد ئٹ دروف تون فرانس و متحدہ عرب امارات نا شاریت ارے۔
