یونائیٹڈ بلوچ آرمی نا جارکش مزار بلوچ تینا شنگ کروک درشان ئٹی پارینے کہ سرمچار آک سئے شمبے نا دے 20 اگست آ قلات نا علاقہ گزگ ئنا ہند جھکری ٹی تیل و گیس پٹوکا کمپنی آ راکٹ و خودکار سلاہ تیٹ جلہو کریر، ہرانا سوب آن کمپنی نا کارندہ آتے جانی و مالی نسخان ہرفوئی تما۔
او پارے کہ درو سُہب ئنا ہشت بجہ نا وختا ننا سرمچار آک اَسہ پین جلہو ئسیٹی ہندا استحصالی کمپنی نا عملہ نا گاڑی ئے ریموٹ کنٹرول بمب ئٹ ٹک کریر، ہرانا سوب آن گاڑی بُھس مس و اوٹی سوار پنچ کارندہ ہمو وخت مرگ ئنا گواچی مسر۔
جارکش مزار بلوچ پارے کہ ہندا کمپنی ٹی چینی انجینئر آتا ساڑی مننگ نا خبر آ جلہو کننگا، کوزہ گیر ریاست نا دُو آن کوزہ مروک بلوچستان ئٹی برجاء قدرتی وسائل نا لُٹ و پل ٹی اوار استعماری مشینری و ہر ہمو بندغ ئے خبردار کینہ کہ او دا استحصالی نظام نا بشخ جوڑ مفس نا تو ننا نشانہ غا مرور۔
