پاکستانی لشکر دعویٰ کرینے کہ بلوچستان نا ضلع مستونگ ئٹی او اسہ انٹیلی جنس آپریشن ئسے ٹی بی ایل اے نا 3 سرمچار خلکنو۔
پاکستانی لشکر نا لس حوالکاری شعبہ (آئی ایس پی آر) دعوی کرینے کہ سکیورٹی لشکر ضلع مستونگ ئٹی انٹیلی جنس آپریشن ئس کرینے ہرا پنجگور نا ڈپٹی کمشنر ذاکر علی نا شہیدی نا رد ئٹ کننگانے و آپریشن ئٹ پاکستانی لشکر و سرمچار آتا نیامٹ سم کاری مسنے۔
آئی ایس پی آر دعویٰ کرینے کہ سم کاری ٹی بی ایل اے نا مُسہ سرمچار بیران و مُسٹ ٹپی مسنو۔
آئی ایس پی آر نا پاننگ نا رد ئٹ پن کروک بندغ آک 12 اگست آ پنجگور نا ڈپٹی کمشنر ذاکر علی نا شہیدی نا ذمہ وار آکو۔
پاکستانی لشکر کہوکا بندغ آتا چاہنداری ئے میڈیا غا پاتنے و نئے ودیک حوال تسنے ہراڑان دا خلیس ودی مریک کہ دا دروغ ءُ کارروائی ئس ہم مننگ کیک۔
یاتی مرے داکان مُست ہم پاکستانی لشکر نا کنڈ آن بیگواہ غا بندغ آتے دروغ ئنا مونتس آتیٹ شہید کننگانے۔ داکان مُست ہم پاکستانی لشکر، ایف سی و سی ٹی ڈی دروغ ئنا موتس نا کارروائی تیٹ تُد مسنو۔
دا بارو ئٹ دائسکان ودیک حوال دو بتنے نئے کہ بی ایل اے آئی ایس پی آر نا دا کارروائی ئے پک کرینے۔
