بلوچستان نا ضلع قلات نا ہند ناگاہو ٹی اینو سُہب آن پاکستانی لشکر نا لشکر کشی برجاء ءِ، گن شپ ہیلی کاپٹر آک پیری کننگ ءُ۔
حوال تا رد ئٹ ناگاہو نا ہند مرو، شیشار، اسپلنجی و ہیب کھیب ئنا ہند آک لشکر کشی نا پلویڑ ئٹی ءُ۔
ہندی حوالکار ئسے نا رد ئٹ گن شپ و ایلو ہیلی کاپٹر آک بال کننگ ءُ و شیلنگ ءُ تراک آتا ہم حوال ارے۔
پاکستانی کالخواہ تا کنڈ آن دا رد ئٹ دائسکان ہچو درشان ئس مونا بتنے۔
بلوچستان نا جتا ہند آک لشکر کشی نا پلویڑ ئٹی ءُ واہم پاکستانی کالخواک دا لشکر کشی تیان نمن کیرہ یا پک کپسہ۔
لشکر کشی تا وختا لس آبادی تِہ ٹک کننگ و مخلوق ئے زوراکی ئٹ بیگواہ کننگ نا تدینیک ہم رپورٹ مسنو۔
