بلوچستان لبریشن فرنٹ نا ترجمان تینا شنگ کروک بیان ئٹی پارے کہ بلوچ سرمچار آک پروم ئٹی 13 اگست آ شام ئنا 11:00 بجہ آ پروم کلیری آرمی کیمپ و 16 اگست آ سوب ئنا 11:00 بجہ آ کڑکی ٹی آرمی نا کنڈ آن کارمرز کروکا پی ٹی سی ایل کمیونیکیشن ٹاور ئے نسخان تسر۔
او پارے کہ سینزدہ اگست آ شام ئنا بلوچ سرمچار آک پروم کلیری ٹی آرمی کیمپ آ راکٹ لانچر، گرنیڈ لانچر و مشین گن آتیٹ جلہو کرِسہ جانی و مالی نسخان تسر۔
ترجمان پارے کہ اندن 16 اگست آ سوب ئنا بلیدہ کڑکی ٹی آرمی کن کارمرز مروکا پی ٹی سی ایل نا حال حوالی ٹاور آ جلہو کرِسہ اودے بٹیر و کُل مشینری تِہ ہُشار۔ ہندا پی ٹی سی ایل نا ٹاور ئٹ پاکستانی آرمی بلیدہ، زامران و کیچ ئنا جتا علاقہ تتون حال کننگ نا نظام ئے چلیفیکہ۔
اونا پاننگ اس کہ بی ایل ایف نہ بیرہ آرمی ئے ٹک کرِسہ نسخان تننگ ءِ بلکہ اونا کارمرز کروکا ٹریکنگ سسٹم ئے ہم تباہ کننگ ءِ انتئے کہ ہندا حال حوالی نظام نا کمک ئٹ آرمی بلوچ سرمچار آتے ٹریس کننگ نا کوشست کیک۔
او ایسر ئٹ پارے کہ بلوچستان لبریشن فرنٹ دا جلہو تا ذمہ واری ئے ہرفک و کوزہ مروک بلوچستان نا آجوئی اسکان کوزہ گیر لشکر آ جلہوک برجاء مرور۔
