حوال تا رد ئٹ ہفتہ نا دے خاران آن پاکستانی لشکر اسہ بندغ ئس دزگیر کننگ آن گڈ بیگواہ کرینے۔
بیگواہ کننگوک ورنا نا چاہنداری محبوب ملازی نا مار شہزاد ملازی نا پن ئٹ مسنے۔
خاہوت نا رد ئٹ پن کروک ورنا ئے اینو سہب ئنا پاکستانی لشکر گدان ہوٹل خاران آن دزگیر کرسا بیگواہ کرینے۔
خاہوت پن کروک ورنا نا رکھوک آجوئی نا خواست کرینے۔
خیال ئٹ مرے کہ بلوچستان ئٹی زوراکی نا بیگواہی تا تدینیک چرجوئی ئٹ رپورٹ مننگ ءُ۔
اسہ کنڈ آن ہڑدیئی بنداو آ زوراکی نا بیگواہی تا برخلاف خاہوت آتا کنڈ آن برانز کننگک تو ایلو کنڈ آن ریاست تینا زوراکی نا بیگواہی تا پالیسی ئے ایسر کننگ کن تیار اف۔
