ڈپٹی کمشنر قلات چھانڑدہ اگست نا بنجائی مجلس ئٹی اوار مفروکا افسر آتے وضاحت کن خواہفے۔
ڈپٹی کمشنر قلات 14 اگست نا بنجائی مجلس ئٹی اوار مفروکا کیہی ضلعی افسر آتے نوٹس ترسا ہمو کارندہ آتتون اوار انجینئر و تعلیمی سروک آتے مُسہ دے ئنا تہٹی تینا بنجائی مجلس ئٹی اوار مفننگ نا سوب آتے پاننگ نا پارینے۔
نوٹس ئٹی پاننگانے کہ دا افسر آک چھانڑدہ اگست نا بنجائی مجلس ئٹی وے اوار مرسا تینا راجی فرض آتے لتاڑانو۔ڈپٹی کمشنر پارینے کہ اگہ اُست جم ءُ ورندی رسینگتو تو تادیبی کاروائی عمل ئٹی ہترنگ مرو۔
کمشنر قلات نا کُنڈ آن نوٹس نا کاپیک کوئٹہ ٹی بڑزکو کوالخواہ تیا راہی کننگانو۔
