بلوچ لبریشن آرمی نا جارکش آزاد بلوچ بیان ئس شنگ کرِسہ پارے کہ 14 اگست آ ننا بلوچ سرمچار آک گوادر نا مسہ علاقہ پسنی، جیونی و پیشکان ئٹی کوسٹ گارڈ تون اوار فوجی سپانسرڈ پن ئنا “یوم آزادی “ نا مُچی تیا جلہو کریر۔ جلہو نا سوب آن اِرا کوسٹ گارڈ نا کارندہ ٹپی مس و مُچیک مننگ کتور۔
او پارے کہ سرمچار آک 14 اگست نا سوب ئنا 10 بجہ آ گوادر نا علاقہ پسنی ٹی پن ئنا “یوم آزادی “ نا تیاری تیا بمب جلہو کریر۔ اوکان پد 10:30 آ سرمچار آک گوادر نا علاقہ جیونی ٹی 14 اگست نا ردئٹ مُچی تا تیاری تیا جلہو کننگا۔ بی ایل اے نا دا جلہو تیان پد پاکستانی لشکر نا ڈکھوک ادارہ آتا پن ئنا “جشن آزادی “ نا کُل مُچیک بےسوب مسُر۔
جارکش پارے کہ 14 اگست نا شام 8 بجہ آ ننا سرمچار آک گوادر نا علاقہ پیشکان ئٹی دریا نا کنڈ آ پاکستانی کوسٹ گارڈ نا کارندہ تے ریموٹ کنٹرول بمب جلہو ئٹ ٹک کریر، ہرانا سوب آن 2 کارندہ ٹپی مس۔
اسہ پین جلہو ئسے ٹی 14 اگست نا شام 9 بجہ آ ننا سرمچار آک شال ئنا علاقہ اختر آباد ئٹی جوڑ مروک ایف سی چوکی ئے چغلی بمب جلہو ئٹ ٹک کریر ہرانا سوب آن اِرا ایف سی کارندہ ٹپی مس۔
ایسر ئٹی جارکش آزاد بلوچ پارے کہ دا جلہو تا ذمہ واری تِہ بلوچ لبریشن آرمی ہرفک۔
